Dowladda Soomaaliya waxay si adag u cambaareyneysaa weerarrada ay Jamhuuriyadda Islaamiga ah ee Iiraan ku beegsatay kaabeyaasha muhiimka ah ee tamarta ee Boqortooyada Sacuudi Carabiya, Dowladda Qatar, iyo Isutagga Imaaraadka Carabta. Falalkan waxay si toos ah u jebinayaan shuruucda caalamiga ah, waxayna halis weyn gelinayaan amniga iyo xasilloonida gobolka.

Soomaaliya waxay si buuxda u garab taagan tahay dowladaha iyo shucuubta Sacuudi Carabiya, Qatar, iyo Imaaraadka, iyadoo muujinaysa taageero aan leexleexad lahayn oo ku aaddan ilaalinta madax-bannaanidooda, sugidda ammaankooda, iyo badqabka muwaadiniintooda iyo dadka ku nool dalalkooda.

Dowladda Soomaaliya waxay carrabka ku adkeynaysaa in xaaladda taagan ay u baahan tahay dejin degdeg ah, wadahadal dhab ah, iyo in laga fogaado tallaabo kasta oo sii hurin karta xiisadda. Soomaaliya, oo ku taalla marin-badeedyo istiraatiiji ah oo muhiim u ah isu socodka ganacsiga iyo tamarta caalamka, waxay si gaar ah u muujinaysaa muhiimadda ay leedahay ilaalinta marinnadaas iyo kaabeyaasha tamarta ee laf-dhabarta u ah dhaqaalaha dunida.

Sidoo kale, Soomaaliya waxay ka digeysaa in weerarrada noocan oo kale ah ay keeni karaan cawaaqib dhaqaale oo baahsan, oo ay ka mid yihiin kororka qiimaha shidaalka, carqaladeynta silsiladaha sahayda, iyo saameyn taban oo ku timaadda suuqyada caalamka, taas oo si gaar ah u saameyn karta dalalka soo koraya.

Jamhuuriyadda Federaalka Soomaaliya waxay mar kale xaqiijineysaa inay ka go’an tahay la shaqeynta dalalka gobolka iyo beesha caalamka si loo xoojiyo nabadda, loo ilaaliyo kaabeyaasha muhiimka ah, loona hubiyo in marinnada tamarta ay ahaadaan kuwo ammaan ah oo furan. Soomaaliya waxay sidoo kale taageeraysaa dadaallada diblomaasiyadeed ee lagu xallinayo khilaafaadka, si loo gaaro xasillooni waarta iyo wada noolaansho ku dhisan iskaashi iyo ixtiraam wadajir ah.

share on
           


Kindly Login or Register to comment and like and earn No comments for this post

Others are reading

Steven Gerrard Oo Arne Slot Ka Codsaday In Szoboszlai Boos Aan Booskiisa Ahayn Laga Ciyaarsiin Ingiriiska Oo Taariikh Xun Ka Sameeyay Champions League Hugo Ekitike: “Salah Waa Laacib Aan La Xaqiri Karin” Madaxweyne Laftagareen oo iska casilay xilkii uu ka haayay xisbiga JSP. Maraykanka oo duqaymo cusub ka fuliyay buuralayda Goolis. Qatar oo dalkeeda ka ceyrisay Saraakiil ka tirsan Safaarada Iran ee Doha Falastiiniyiin ku dhintay weerar ay qaaday Iran. Trump oo ka qoomamayna weerarkii lagu qaaday xarumaha Tamarta Iran. Soomaaliya oo Cambaareysay Weerarrada Iiraan Kuna Baaqday Xasillooni. Dowladda oo ciidamo ku daabulaysa deegaano ka tirsan Koofur Galbeed Soomaaliya.